歐遊學記。

今日行程極度簡單，先到Duck and Waffle嚐一嚐世人口中的頂級美食，再步行15分鐘到Barbican Centre參加畢業典禮。 Duck and Waffle唔單止要訂位，仲要保安非常嚴密，唔比帶水，仲會睇下個袋有Ｄ咩先比搭Lift上黎，誇張到喊 窗外景色，其實，冇咩特別 傳說中的Duck and Waffle，唔難食，但唔明貴喺邊度？都係鴨肶加Waffle加蛋～ 好似係吞拿魚，又係不過不失咁 兔肉，有Ｄ殘忍但阿媽想食，個人認為個汁好難食 牛，還好吧  飯吃得不怎麼樣，帶著無奈的心情走到會場，到達之時已發現人頭湧湧。可幸的是場內的支援非常足夠，剛到達會場就有工作人員走上前指導我們登記、領取畢業袍和存放個人物品，混亂之中仍有方向。 畢業典禮未開始前，畢業生要先進行綵排，看一次上台行走的路線和向主禮嘉賓致謝的儀式。由於座位問題，看了又看都看不清楚女學生上台後要做的動作。 終於到了典禮正式開始，才知道原來下午的主禮嘉賓竟然是安妮公主（！），膚淺如我頓時覺得不枉此行。數百個到場的畢業生逐一走到台上向安妮公主點頭致謝，公主向每人也說一次Congratulations，未免太累了吧。 典禮過後在人群中尋找媽媽的身影，找了十五分鐘遍尋不獲，最後才知道她在典禮過後立刻去了領取茶點........ 晚上與LLB同學去了Leicester Square吃Lobster and Burger，這餐飯吃得不錯。 唔係講笑，可能係食過最好食既龍蝦！！！！！！！ 人在異鄉，與舊相識相聚，總是特別珍貴。在地鐵上與眾人道別的一刻，真有強烈的離別感。 隨著畢業典禮的完結，課程亦真正告終。過去三年的經歷，不論好壞，這一輩子也會銘記於心。

預先買了今日的火車票去溫莎。由於不打算去Lego Land，行程極悠閒，只計劃入場一覤古堡真貌，是故很晚才出發，到達時差不多11時。 到達入口處見到少量人群，先知原來岩岩有個換班儀式完左，睇到個結尾 門票一點也不便宜，盛惠20.5鎊，以英國日前的經濟狀況來看，說皇室依仗這門票得益過活亦不為過。 古堡售票處有一幅巨大的英女皇和菲臘親王的合影，媽媽於排隊期間不忘與英女王拍照。 遊人唔算好多，喺藍天既映襯下，古堡格外好看 唔知點解諗起Game of thrones，幻想下自己要匿喺度射箭守城就覺得好驚 枝頭上的花好似燈泡，定係燈泡好似枝頭上的花？！ 有Ｄ咁現代既車泊喺度真係好有違和感，馬車呢？ 大教堂，入去行左一個圈，好莊嚴，入面唔知點解會有Magna Carta既紀念品賣，最後買左舊Magna Carta既蠟燭，哈哈哈  收費包括了語音導賞器材，為本來索然無味的古堡之旅添上了幾分趣味，至少對每個建築都得以略知一二。   轉角遇到堡 幾有原始風味 溫莎古堡還有一條長長的大道，兩旁盡是草地，光是看相就令人神往。一問之下才知道原來在收費範圍以外，遂先到日本便當店吃了些麵食，再到Long Walk。 如果可以喺度跑步真係不得了，延年益壽，人生嬴家  散步期間手套被一隻狗搶去，咬到滿是口水，主人不斷忙著追狗和道歉。 正面影返張 綠中一點白，呢個配色唔錯 喺眾多大自然景觀之中，最鍾意係森林同草地  由於時間尚早，去了鄰鎮伊頓逛逛。伊頓是一個寧靜小鎮，度過小橋就到達，以貴族學校伊頓公學聞名。 當日亦看見不少伊頓公學的學生身穿校服（筆挺的燕尾服）在鎮上疾走。想到昔日中學的校服設計，不禁汗顏，相形見絀得未免可憐。無論是小鎮風光、學校氛圍抑或校服設計，都令人聯想到，不同的青少年在如此不同的世界成長，長大後又何以體會地球另一端的人的所思所想？世界大同，談何容易？ 近岸有天鵝 如果親近動物和小孩是一種本領，我一定是天生拙劣的那一種人。媽媽在天鵝堆中拍照毫無違和感，而我則自覺無論站或蹲下都毫不自在，如同過路人一樣，與鵝完全不相

是日最主要的行程是到白金漢宮觀看換班儀式。借用媽媽的話，是到「白金漢宮覲見女皇敝下」。相對於她的熱情雀躍，我的反應似乎是長期冷淡得驚人（！） 乘地鐵到白金漢宮前，先在住處附近吃早餐。特意選擇到另一家餐廳試試，可惜無前幾天的那一家好。 雖然咖啡係好唔錯的，Latte 同Cappacino~! 兩杯都好好飲~ 歐洲的咖啡好少令人失望 florentine breakfast，超級大份，一個人食完飽足一個上午，可惜記憶中個包唔好食 行去白金漢宮途中，都有好景色  幸好無雨，如果下雨，換班儀式會取消，再一次多謝天公造美。 人頭湧湧，冇180cm都唔使旨意睇到任何野 唯有睇人地部手機影出黎既轉播，哈哈，一樣姐 可能係星期日既關係，好似特別多人 團團圍住，大概有一萬人聚集 好彩，我地都佔據左一個近馬路既位置，喺換班儀式將完，有幸睇到騎兵帶領軍隊離開 前世未見過騎兵咁，全世界都係咁影 三 四 五隻齊晒，拜拜 整個換班儀式完成後，人潮慢慢散去。幾經辛苦，終於能到欄前，拍一張白金漢宮的近貌。 每次黎到呢Ｄ著名景點，都會覺得點影個構圖都好核突 好鍾意呢種一望無盡頭既大街～ 小街也有小街美 跟住去左搵邱吉爾 然後循例在London Eye前留影。午餐吃的是Asian Noodles Bar的撈麵，在英國來說性價比超高。 迎住寒雨，黎到Tower Bridge 前往Tower Bridge的路上，先後遇到兩對情侶要求我為他們拍照，其中一對要求頗高，以不同姿勢拍了四五張照片才心滿意足地。 由於雨勢愈來愈大，後來去了Starbucks稍稍避雨抵寒，再乘Tube回到住處吃晚餐（又忘了吃什麼，好像是在超市買了些麵食）。